ကျွန်တော်နားလည်မိတဲ့ သံယောဇဉ်အကြောင်း.......

မွေးကတည်းက နို့မှုန့်နဲ့ ကြီးပြင်းလာခဲ့တဲ့ ကျွန်တော်အဖို့ ဒီဘဝမှာ မေတ္တာငတ်ဖို့ ကံပါလာတယ် 

ဆိုရမလိုပါပဲ ။ ညီအကိုသုံးယောက် ရှိပေမယ့် အမြဲတမ်း အကိုအကြီးဆုံးနဲ့ ညီအငယ်ဆုံးက တစ်ဖွဲ့ ၊ 

ကျွန်တော်က တစ်ယောက်တည်း တစ်ဖွဲ့ ကစားလိုက် ၊ ရန်ဖြစ်လိုက်နဲ့  အကိုအကြီးဆုံး ၁၀တန်းအောင်ပြီး 

အလုပ်သွားလုပ်တဲ့ အထိအောင် ညီအကိုသံယောဇဉ် ဆိုတာကို နားမလည်ခဲ့ပါဘူး ။  မတည့် အတူနေ 

ဆိုတဲ့ အတိုင်း ညီအကိုသုံးယောက် တူတူရှိတုန်းက ဘောလုံးကစားရင်း ရန်ဖြစ်ခဲ့တဲ့အချိန်တွေ 

များခဲ့ပေမယ့် တကယ်တမ်း ခွဲခွါရတဲ့ အချိန်မှာတော့ ရင်ထဲမှာ ဟာသွားသလို ခံစားရပြီး 

တစ်ပြိုင်နက်တည်းမှာပဲ "သြော်ငါလည်း အကိုအကြီးဆုံး ဖြစ်နေပါပြီလားလို့ တွေးမိရင်း ညီအငယ်ဆုံးကို

 ပြေးမြင်မိပါတယ် ။ " သူကတော့ မူလတန်းကျောင်းသားလေးပီပီ အပူအပင်မရှိ ပြေးလိုက်လွှားလိုက်နဲ့

ဆော့ကစားနေတုန်းပါပဲ ။ အဲဒီအချိန်ကစလို့ ခေါင်းထဲမှာ စတွေးမိတာက 

" သြော် သံယောဇဉ်ဆိုတာ ပူလောင်တတ်တဲ့ သဘောရှိတာပါလား " 

ဆိုတဲ့ အတွေးလေးပါပဲ ။ 

ဒီလိုနဲ့ပဲ ညီအငယ်ဆုံးနဲ့   ဆော့ကစားရင်း နွေရာသီကျောင်းပိတ်ရက်တွေ ကုန်လွန်လာတဲ့ 

တစ်နေ့မှာ ကံကြမ္မာက လက်ဆောင်ပေးတဲ့  မျှော်လင့်မထားတဲ့ အမတစ်ယောက် နဲ့ဆုံစည်းခွင့် 

ရခဲ့ပါတယ် ။အမတွေ ၊ ညီမတွေ မရှိတဲ့ ကျွန်တော်အဖို့ စကားလုံး အနုအရွတွေလည်း မသုံးတတ်တဲ့ 

အတွက် ကိုယ့်ထက်ကြီးတဲ့ အမတွေဆို "မကြီး" လို့ ခေါ်ရတာကို နှုတ်ကျိုးနေခဲ့တာ ခုထိပါပဲ ။ ကျွန်တော့် 

အကိုအကြီးဆုံးနဲ့ အသက်တူတဲ့အတွက် သူမကိုလည်း စတွေ့ကတည်းက  

မကြီးလို့သာ ခေါ်ဝေါ်တတ်ခဲ့တာပါ ။ ဒီလိုနဲ့ နောက်ပိုင်းမှာ ကျောင်းကပေးလိုက်တဲ့ နားမလည်တဲ့

 အိမ်စာတွေဆို သူမကူညီရှင်းပြပေးတတ်လို့ ကျွန်တော်အတွက် သူမဟာ ဆရာမ တစ်ဖြစ်လည်း 

ဖြစ်လာခဲ့ပါတယ် ။ ကဗျာလေးတွေ ချစ်တတ်ပြီး အားရင် သူမကိုယ်တိုင် ကဗျာလေးတွေ စပ်ပြီး 

ကျွန်တော်ကို ပြတဲ့အခါ ကျွနတော်လည်း ကဗျာ စပ်ချင်စိတ်လေးတွေ ပေါ်လာခဲ့ပါတယ် ။

 ကဗျာတစ်ပုဒ်ရအောင် ဘယ်လို ရေးရမလဲ မေးမိတော့ သူမက "ကဗျာလေးတွေက ခံစားချက်ကနေ 

 ပေါက်ဖွားလာတာ " လို့ ဆိုတဲ့အတွက်  ကျွန်တော်လည်း ခံစားချက်ဆိုတာကို အဲဒီအချိန်ကစပြီး 

နားလည်အောင် ကြိုးစားကြည့်မိတယ် ။ 


ဒီလိုနဲ့ သုံးလလောက် ကြာတဲ့အခါ တက္ကသိုလ်မှာ သူမစာမေးပွဲ သွားဖြေရဖို့ အချိန်ကျလာခဲ့ပါတယ် ။

  "အားရင် စာထည့်လိုက်ပေါ့လို့ " သူမသွားခါနီး နှုတ်ဆက်တဲ့အခါ ကျွန်တော်ရင်ထဲမှာ 

မွန်းကြပ်နေခဲ့တာတော့ အမှန်ပါပဲ ။ အမတစ်ယောက်လို ကျွန်တော်အပေါ်စောင့်ရှောက်ခဲ့တဲ့ သူမကို 

ယနေ့တိုင် အမှတ်ရနေဆဲပါ ။ သူမထွက်ခွါသွားပြီးတဲ့ အချိန်မှာ အလွမ်းအဆွေးကဗျာလေးတွေ 

ရေးတတ်လာခဲ့ပါတယ် ။ သူမ ပြောခဲ့တဲ့အတိုင်း စိတ်ခံစားမှုကနေ ဖြစ်ပေါ်လာတဲ့ ကဗျာတိုစလေးတွေကို

 ကျွန်တော်ကိုယ်တိုင် ခံစားလာတတ်ခဲ့ပါပြီ  ။ စံပယ်ပန်း သိပ်ကြိုက်တဲ့ သူမအတွက် 

သင်္ချာစာအုပ်အထူကြီးတွေထဲမှာ စံပယ်ပန်းလေးတွေကို ညှပ်ပြီး  အမှတ်တရ သိမ်းဆည်းခဲ့ တာလေးတွေ 

ယခုအချိန်ထိ ပြန် မြင်ယောင်နေဆဲပါ ။ ဒီလိုနဲ့ အချိန်တွေကြာလာတော့ သဘောပေါက်မိတယ် 

" သြော်သံယောဇဉ်ဆိုတာ နှောင်ကြိုးလေးတွေ လိုပါပဲလား ".............


                   အဲဒီအချိန်ကစပြီး ၁၀တန်းပြီးတဲ့အချိန်ထိ သံယောဇဉ်တွယ်မိမှာ ကြောက်တဲ့ အတွက် 

စာအုပ်တွေကိုသာ အဖော်ပြု ပြီး ဖြတ်သန်းဖြစ်ခဲ့တယ် ။ တက္ကသိုလ်ပြီးတဲ့အချိန် ဘာသာရေးစာအုပ်တွေ ၊ 

ဝိပဿ     နာ တရားတွေ နာရာကနေ သိလာတာက 

" သံယောဇဉ်နှောင်ကြိုးတွေကို ကြောက်ပြီး  စာအုပ်တွေပေါ်မှာပဲ စိတ်ကို အာရုံ ပြောင်းထားလို့ မရဘူး ၊ 

သံယောဇဉ်ရဲ့ မူလဇစ်မြစ်ကိုသိအောင်ကြိုးစားခြင်းကသာ ပိုနည်းလမ်းမှန်တယ် " 

ဆိုတာလေးကို နားလည်လာမိပါတော့တယ် ။

နေမင်းဇွဲမာန်